İşğal etilgen Qırımda mezarlıqlar meselesi kerginleşti. Ölüm seviyesi eksilgeni aqqında resmiy beyanatlarğa baqmadan, yarımadada mezarlıqlar faal şekilde kenişletilmekte, Aqmescit (SimferopolRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonındaki krematoriy ise, aq qorçalayıcılarnıñ malümatına köre, Rusiye arbiyleriniñ ihtiyacları içün qullanılmağa devam ete.
Qırım.Aqiqat muarririyetiniñ uydurma resimlerni ve açıq malümatnı talil etken tahqiqatında bu aqqında söz yürsetile.
Eñ kergin vaziyet — Aqyarda (Sevastopolda). Anda işğalci akimiyet "Kalfa" mezarlığını 6 gektarğa, "Mekenzie dağları" mezarlığını ise daa 33 gektarğa kenişletmege planlaştıra.
Aqmescitte (Simferopolda) "Abdal" mezarlığı aman-aman tolu. Onıñ kenişletilüvi planlaştırılmay, aksine, yañı mezarlıqlar içün Perovo köyü yanındaki 47 gektar topraq ayırıldı.
Aynı zamanda Rosstat yarımadada ölüm sayısınıñ eksilgenini bildire. Lâkin soñki dört yıl devamında yapılğan uydu resimleriniñ talili, Qırımdaki mezarlıqlarnıñ meydanlığı bayağı arttı, bazı yerlerde 10%-dan ziyade arttı.
"Soñki 7-8 yıl içinde tetqiq etilgen dinamikası. Bu kerçekten de büyük bir arttıruv, meydanlıq boyunca 10% ziyade. Mezarlıqlar kerçekten de keñişley, hususan büyük şeerlerde. Kiçik meskün yerler olsa, artım da körüne, lâkin sıq-sıq ne qadar olğanını aytmaq qıyın, çünki uydu resimlerinde küçük artımlarnı başqa bir şey kibi tanımaq mümkün", — dep Dünya geoinformatika ve turğun inkişaf malümat merkeziniñ GIS laboratoriyasınıñ reberi Sergiy Gapon añlattı.
Qırımtatar resurs merkeziniñ malümatına köre, krematoriy Rusiye arbiyleriniñ cesetlerini yaqmaq içün alâ daa qullanıla. Yerli sakinler onıñ yanında arbiy naqliyatnıñ kolonnalarını sıq-sıq köreler.
"Faallerniñ aytqanına köre, anda yoq etilgen Rusiye arbiyleri ile yük maşinaları tura ve öz vaqtını bekley. Ne içün? Olarnı daa çoq yaqmaq içün ve yañı mezarlıqlar içün çoq yer almağanları içün ve bu bayraqlarnı köstermegenleri içün. Askerlerniñ tuvğanları olarnı yandırmağa razı olsalar, olar, adamnıñ ölgenini tasdiqlağan vesiqalarnı resmiyleştirgende, sizge farqlı para berilecegini bildireler, bizler er şey planlaştırılğanı kibi olacağına söz beremiz, amma bir şart ile, onı topraqqa gömmek degil de, yandırmaq kerek", — dep Qırımtatar resurs merkeziniñ yolbaşçısı Eskender Bariyev tarif etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
