İşğal etilgen Qırımda ukrayin tarafları olğan ya da işğalli akimiyetniñ areketlerine qol tutmağan Qırım sakinlerine basqı quvetleştirile. Böyke şahıslarnıñ aqları ve imkânları siyasy sebeplerden yañı ve muntazam sürette sıñırlana.
Qırım uquq qorçalayıcılarından biri Qırım.Aqiqatqa anonim şekilde bu aqqında haber berdi.
İnsan aq-uquqlarını qorçalağanına köre, Rusiye akimiyeti ve quvetleri em de yarımadanı terk etmek içün, qarşılıq faaliyetini yoq etmek içün, planlaştırılğan areketler yapıla.
''Qırım yarımadasınıñ işğali devrinde rusiye quvetçileri ukrayin tarafdarı olğan Qırım faalcileri, uquq qorçalayıcıları, cemaat erbapları, vatandaş jurnalistleri cedvelini teşkil ettiler. Şimdi bu cedvelden insanlarnı bazı mümkünlerden marum eteler. Meselâ, olarğa quvet müesssiselerinden izin kerek olğanı işke kirmege imkân bermeyler, ", — dep uquq qorçalayıcı qayd etti.
O, rus akimiyeti ukrayin tarafdarı olğan Qırım sakinlerine yañı basqı aletlerini qullanmağa tırışa.
''Soñ zamanlarda böyle Qırım sakinleri rusiye tış pasportını vesiqalaştırmağa izin bermeyler. Siyasiy sebeplerden red eteler, rusiye qanunlarında böyle sebep resmen yoq", — dep uquq qorçalayıcı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
