Rusiye, Hizb ut-Tahrir davasınıñ ekinci Aqyar gruppasınıñ iştirakçisi Rustem Tairovnıñ vatandaşlığını lâğu etti.
"Qırımtatar resurs merkeziniñ" idarecisi Zarema Bariyeva Facebookta bu aqqında bildirdi.
"55 yaşındaki Rustem Tairovnıñ vatandaşlığı 2025 senesi mayıs ayında, Rusiye Federatsiyasınıñ Vladimir şeerindeki №2 apishanede bulunğanda, Rusiye Federatsiyasınıñ Cenübiy okrugınıñ arbiy mahkemesi tarafından, tamır qırımtatar halqınıñ vekilini Rusiye Federatsiyasınıñ Ceza kodeksiniñ 205.5 sanınıñ 2-nci qısmı boyunca 12 yıl apis cezasına ve bir yıl memuriy nezaretke mahküm etip, qanunsız şekilde mahküm etilgeninden tam eki yıl soñ, mayıs ayında lâğu etildi. Qırımnıñ tamır halqı ve Ukrayina vatandaşlarına qarşı yapılğan bütün bu sistemalı siyasetni "minimal masraflar ile gibrid sürgünlik" olaraq tasvirlemek mümkün. Rusiye işğal etilgen Ukrayina topraqlarındaki insanlarnı vatandaşlıqtan marum etmek ve tuvğan toprağında yaşamaq imkânından marum etmek içün terrorist olaraq belgiley", — dep o yazdı.
Hatırlatamız, 2023 senesi qural ayda Cenübiy okrugınıñ arbiy mahkemesi Qırım musulmanına qanunsız olaraq 12 yıl apis cezasını berdi, dört yıl apis cezasını ve azatlıqtan soñ bir yıl azatlıqtan marum etüv cezasını berdi. O yılnıñ noyabrinde istinaf mahkemesi Rustem Tairovnıñ ükmüni deñiştirmedi. 2026 senesi qara qış ayında Rustem Tairovnı Udmurtiya koloniyasına etap ettiler.
Umumen, "Qırımtatar resurs merkeziniñ" idare reisi Eskender Bariyevniñ malümatına köre, işğalciler doquz qırımlı siyasiy mabüsniñ Rusiye vatandaşlığını coydı. Demek ki, azat etilgen soñ olar işğal etilgen Qırımğa qaytıp olamaycaqlar.
"Hizb ut-Tahrir davası"nıñ dörtünci Aqmescit gruppası aqqında ne bilemiz
2021 senesi arman ayınıñ 17-nde FSB musulman ve qırımtatarlarnıñ evlerini kütleviy şeklde tintti.
Tintüvlerden soñ işğalli quvetçiler beş insannı "terror teşkilâtınıñ faaliyetinde iştirak etüv"de qabaatlap yaqaladılar (Rusiye Ceza qanunnamesiniñ 205.5-nci maddesi). Aqyarnıñ (Sevastopolnıñ) Nahimov rayonında — faalci Rustem Murasov ve Rustem Tairov, Aqyarnıñ Balıqlava rayonında — Cebbar Bekirov, Bağçasaray rayonında — faalci Zavur Abdullayev, Aqmescit (Simferopol) rayonında — Raif Fevziyev.
2023 senesi qara qış ayınıñ 12-nde Rostov-na-Donu Cenübiy bölgeniñ arbiy makemesi Raif Fevziyevni 17 senege maküm etti. Daa soñra Vlasiha şeeriniñ Apellâtsiya arbiy makemesi ükümni deñiştirmedi.
Daa soñra, 2022 senesi kiçik aydan başlap, bu dörtünci Aqmescit gruppasına daa bir iştirakçi — Amethan Abdulvapov qoşuldı. Qırımtatar, sert rejimli müstemlekede 10,5 senege üküm etildi, soñra ise üküm deñiştirilmedi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
