"Sarı şerit" areketiniñ iştirakçileri, vaqtınca işğal etilgen topraqlarnıñ sakinleri içün bağda ve telükesizlikte qalmaq içün aletler, oquv kursları ve ruhiy destek teklif etken "Sen Ukrayinadasıñ" hızmetine vaqtınca işğal etilgen Qırımdaki meraq artqanını bildireler.
"Sarı şerit" areketi Telegramda bunı bildirdi.
"Yarımadada yaşağanlar platforma aqqında malümatnı yazğan resimlerni yollaylar", — dep haberde qayd etildi.
Şu cümleden, "Sen Ukrayinadasıñ" resursı vastasınen VİETnıñ sakinleri aşağıdaki malümatnı oquy bileler:
- Telükesiz közetüv ve tarih qorçalavı içün VPN ve brauzerler;
- Raqamiy havfsızlıq aqqında malümat;
- Balalar ve büyükler içün ukrayin tili ve mektep fenleri kursları;
- İşğal altında bilge Ukrayinanen daimiy bağ.
Hatırlatamız ki, "Strategik kommunikatsiyalar ve haber havfsızlığı merkezi" Dİ, "Dovidka.Info"nıñ leyhası çerçivesinde "Sarı şerit" vatandaşlıq areketinen beraber hızmet meydanğa ketirildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
