İşğal etilgen Qırımda "şübeli" para operatsiyaları sebebinden bank kartlarınıñ blok etilmesinden şikâyet eteler, bu sebepten insanlar temel ödemelerni yapıp olamaylar.
"Sarı şerit" areketiniñ faalcileri bunı bildirdiler.
Yerli sakinlerniñ aytqanına köre, sıñırlavlar 48 saatten 12 künge qadar devam ete bile. Eñ çoq şikâyetler VTB bankınıñ işine aittir, o, açıq-aydın añlatmayıp, er vaqıt işini toqtata.
"Böyle etip, insanlar kommunal hızmetlerni bile ödep olamaylar, daa da qıymetli şeylerni satın almağa imkânları yoq. Neticesinde insanlar esaplarını qapatıp, naqit saqlaylar", — dep haberde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
