Mahkeme vaqtınca işğal etilgen Qırımdan eki işğalli memurnı duşmannen işbirlik faaliyetiUkrayina Ceza qanunnamesiniñ 111-1-nci maddesiniñ 5-nci qısmınde ğıyabiy şekilde qabaatlı tanıdı. Olar Rusiye Federatsiyasınen işbirlik tuttılar ve yarımadanıñ işğalli akimiyet organlarında reberlik vazifelerini aldılar.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Ekisi de tevqif etilgenlerge 8 yıllıq azatlıqtan marum etüv ve mal-mülk tutıp aluv cezasını berdi. Bundan da ğayrı, olarğa 12 yıl devamında devlet ve yerli akimiyet organlarında vazifeler tutmağa yasaq etildi.
Prokurorlar, 2023-2024 seneleri Ukrayina vatandaşları RFnen işbirlik yapmağa razı olıp, yarımadada işğalli akimiyet organları sistemasına qoşulğanlarını isbatladılar.
Mahküm etilgenlerden biri Qırım vaqtınca işğal etilgen soñ bir qaç kere qanunsız memuriyetlerniñ reberi vazifelerini eda etti, 2024 senesi boş ayda ise "Lenin rayon memuriyeti"niñ yolbaşçısı oldı.
Diger memur 2023 senesi ilk yaz ayında "Sudaq şeer memuriyetiniñ reisiniñ muavini" olaraq saylandı.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
