Qırım işğal etilgen soñ "mahkeme"niñ yolbaşçısı olğan Sevastopolnıñ (Aqyarnıñ) Balıqlava rayon mahkemesiniñ sabıq mahkemecisi devlet hainligiUkrayina CQniñ 111-nci maddesiniñ 1-nci qısmı içün 13 yılğa ğıyabiy şekilde mahküm etildi.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Prokurorlar, Qırım yarımadası işğal etilgen soñ Ukrayina vatandaşı Ukrayina halqına sadıqlıq antını bozıp, Rusiye Federatsiyasına hızmet etmege razı olğanını isbatladılar.
2014 senesi o, "Sevastopol şeeriniñ Balıqlava rayon mahkemesiniñ mahkemecisi" vazifesini aldı, soñra ise qadın onıñ "yolbaşçı"sı oldı.
"Böyle areketlernen mahküm etilgen qadın yarımadada işğalli akimiyetniñ qurulmasına yardım etti ve duşmanğa mahkeme sistemasınıñ Rusiye qanunlarına keçmesine yardım etti", — dep haberde qayd etildi.
Uquq qorçalayıcı organlarından bir menba Suspilne Qırımğa söz Muradân Ruzanna Pargevivna aqqında yürsetilgenini bildirdi.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
