Kıyiv apellâtsiya mahkemesi işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) "mahkemeci"siniñ devlet hainligi aqqında üküminden şikâyetini red etti. Daa evel onı Ukrayinada 14 yılğa azatlıqtan marum etmege ve mal-mülküni musadere etmege qarar aldı.
Qırım MC ve Sevastopol (Aqyar) şeeri prokurorlığınıñ saytında bu aqqında haber etildi.
Uquq qorçalayıcı organlarındaki haberdar olğan menba Suspilne Qırımğa, söz Maksım Nepomnâşçıy aqqında yürsetilgeni aqqında anonimlik şartlarında bildirdi.
"Qayd etilgenine köre, Rusiye Federatsiyası Silâlı quvetleri yarımadanı işğal etken soñ, Ukrayina vatandaşı antını bozıp, duşmannıñ teklifine razı olıp, Sevastopolnıñ (Aqyarnıñ — terciman) Lenin rayon mahkemesinde "mahkemeci" vazifesini aldı. Mahküm etilgen, duşman menfaatları içün "adalet"ni yerine ketirdi, bu ise Qırım yarımadasında işğalli mahkeme organlarınıñ qurulmasına ve pekitilmesine yardım etti", — dep prokurorlıqnıñ haberinde qayd etildi.
"Uquqiy gazeta"nıñ malümatına köre, Maksım Nepomnâşçıy ve daa 49 mahkemeci 2016 senesi devlet hainliginde şübe bildirildi. Kıyiv şeeri Şevçenko rayon mahkemesiniñ Ukrayina Ceza qanunnamesiniñ 111-inci maddesiniñ 1-incidevlet hainligi qısmına köre ükmüne deñişmeler kirsetilmedi.
Daa evel Ukrayinada üç Qırım mahkemecisi devlet hainligi içün 13 yılğa mahküm etildi. Olardan ekisi "Yuqarı mahkeme"de ve biri "Qırım Cumhuriyeti Saiplik mahkemesi"nde "mahkemeciler" vazifelerini aldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
