2025 senesi ilk qış ayında işğal etilgen Qırımda 4 tintüv, 14 yaqalanuv, 10 sorğu, sorav ve "subet" ve 20 tevqif adisesi qayd etildi.
Qırımtatar Resurs Merkezi (QRM) bunı bildirdi.
QRMniñ malümatına köre, tutulğan 20 insandan 11-i qırımtatardır.
"Fizikiy ve ruhiy sağlıqnıñ yüksek seviyesi aqqınıñ bozuluvı aqqında 7 adise bar", — dep haberde qayd etildi.
Hatırlatamız ki, QırımSOSnıñ malümatına köre, 2025 senesi qara qış-boş aylar devamında işğal etilgen Qırımda eñ az 52 ayrı cinaiy vaqia qayd etildi, olarda eñ az 66 insan iştirak ete.
Ukrayina prezidentiniñ Qırımdaki temsilciliginiñ bildirgenine köre, 11 yıldan ziyade işğal vaqtında Rusiye akimiyeti Ukrayina tarafdarlarını muntazam sürette bastıra. Temsilcilikniñ malümatına köre, 2025 senesi boş ayğa qadar 224 siyasiy mabüs qayd etildi, olardan 60%-i — qırımtatardır, lâkin olar yarımada ealisiniñ tek 15%-ini teşkil eteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
