2026 senesi qara qış ayına qadar işğal etilgen Qırımda 31 insan habersiz ğayıp olğan sayıla, olardan 18-i qırımtatar halqınıñ vekili ola.
Qırımtatar resurs merkezi bunı bildirdi.
"Yazıq ki, Kreml kontrolindeki de facto Qırım akimiyeti bu adiselerniñ taqiq etilüvini köstergenine baqmadan, Rusiye BMTnıñ Baş Assambleyasınıñ A/RES/71/205 qararına binaen işğalci devlet olaraq tanıldı ve oña bu topraqta insan aqlarına riayet etüv mesüliyeti berildi. QRMniñ hadimleri ve mütehassısları halqara toplulıqqa BMT, OSCE, AŞPA halqara meydançıqlarında insan aqlarınıñ bozuluvı aqqında defalarca haberdar ettiler. Qırımtatar halqı ve Ukrayinağa qol tutqan faalcilerge qarşı basqı ve qorquzuv usulı olaraq qullanılğan insanlarnıñ apiske alınmasını, tutulmasını ve hırsızlanmasını takbih etemiz", — dep haberde qayd etildi.
UPD// "Tribunal. Qırım epizodı" resursı diger malümatnı berdi: 51 insan ğayıp oldı.
"Tribunal"nıñ analitikleriniñ malümatına köre, işğalniñ ilk yıllarında ğayıp olğanlarnı ve istilâ başlağanından berli bağsız tutulğanlarnı birleştirsek, eñ az 51 insan aqqında söz yürsetile", — dep haberde qayd etildi.
QRMniñ malümatına köre, Qırımda ğayıp olğanlar arasında:
- Abduramanov Rizvan
- Aliyev Arsen
- Aliyev Server
- Alâutdinov Marsel
- Apselâmov Eskender
- Aripov Şevket
- Arislanov Muhtar
- Arsen Suyunov
- Batırov Marat
- Bondarets İvan
- Vaşçnük Valeriy
- Ganiev Ruslan
- Ğrişçenkov Serğiy
- Cepparov İslâm
- Dubuşçak Andriy (arbiy hızmetçi)
- Zinedin Seyran
- İbragimov Ervin
- İslâmov Cevdet
- İsmailova Susanna
- Kaplienko Maksım
- Klapova Katerına
- Kobzar Anatoliy
- Kоstenko Fedir
- Mangubi Saha
- Platonov Oleğ
- Polüh Nataliya
- Soliyev Farhad
- Terehov Arlen
- Çernış Vasıl
- Şaymardanov Timur
- Şevketov Marlen.
Hatırlatamız ki, QırımSOS malümatına köre, mayıs ayına qadar yarımadada 21 insan habersiz ğayıp olğan sayıla edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
