"ATEŞ" arbiy-partizan areketi işğal etilgen Qırımda diniy cemiyetlerge qarşı repressiyalarnıñ quvetleşkenini bildirdi. Rusiye işğalcileri mahsus hızmetleriniñ kontrol etkeni RPKRusiye pravoslav kilsesiden ğayrı, bütün dinlerni yoq ete.
"ATEŞ" Telegramda bunı bildirdi.
"Bugünki künde Ukrayin pravoslav kilsesiniñ faaliyeti Qırımda toqtatıldı. İşğalciler ibadethanelerniñ fizikiy yoq etilüvine keçtiler — Yevpatoriyada (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde — terciman) Hrestovozdvıjenskıy ibadethanesi bütünley yoq etildi. Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte — terciman) Aziz Volodımır ve Olğa katedral kilsesiniñ qubbesini demonstratsiya olaraq yıqıp, binanı soñuna qadar qapattılar. Mecburiy kürleviy askerlikke aluv qorquzuvları sebebinden soñki ukrayin papazı Qırımnı terk etmege mecbur oldı — ve bu yarımadada yeparhiyanıñ resmiy faaliyetini toqtattı", — dep haberde qayd etildi.
Aynı vaqıtta Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve diger şeerlerde yaşağan Yehova Şaatlarınıñ cemiyetlerine qarşı terror devam ete.
"Qanunsız tintüvler ve qorquzuvlar, diniy mensüplerniñ mecburiy psihiatrik tedaviylevinen bağlı vaqialarnı qayd etemiz. İnsanlarnı, tınç baqışları içün paranoyağa ve "terrorizm" qabaatlavlarına oğratıp, dünyanen bağlarını bütünley qapatqanlar. Aynı basqığa Moskva tarafından tayinlengen qurulışlarnen işbirlik yapmağa istemegen qırımtatar musulman cemiyetleri de oğray", — dep "ATEŞ" yazdı.
Hatırlatamız ki, işğal etilgen Yevpatoriyada (Kezlevde) Rusiye quvetçileri "Qırım musulmanları diniy idaresi"niñ iştirakinen ilk qış ayınıñ 26-nda XVI asırnıñ tarihiy Han Camini zapt ettiler. Qara qış ayınıñ 3-nde Qırımtatar resurs merkezi, Saheh.Islam resursına esaslanıp, bunı bildirdi.
Menbalarnıñ malümatına köre, küçlü reydniñ maqsadı, işğalli memuriyetke sadıq olğan yañı imamnıñ mecburen tayin etilmesi edi. 1990 senelerinden berli camini idare etken din cemiyeti, namzetniñ şübeli itibarı ve kerekli diniy tasiliniñ olmağanını qayd etip, bu tayinlevni qabul etmege red ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
