İşğal etilgen Qırımda Büyük Yaltanıñ dört köyünde gaz borusında keçirilgen planlaştırılmağan işler sebebinden gaz kesildi. Biñlernen abonent gazsız qaldı.
Bazar künü saba Rusiye kontrolindeki Qırım yaqarlıq ve energetika nazirligi bu aqqında bildirdi.
Koreiz, Kurpati, Ğaspra ve Oreanda köylerinde gaz berilmesi toqtatıldı. Umumen 4,5 biñ abonent gazsız qaldı.
Müessiseniñ malümatına köre, söndürüv Yalta şeer okrugınıñ gaz ağlarında orta basım gaz borusında planlaştırılmağan işlerniñ keçirilmesiniñ tehnologik zaruriyeti ile bağlı.
İşğal nazirliginde qayd ettiler ki, içtimaiy infrastruktura obyektlerine gaz berilüvi yanvarniñ 4-ne qadar saat 18:00-ğa qadar tiklenecek. Ev qullanıcıları içün gaz berilüvi yanvarniñ 6-na qadar devam etecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
