Qara qış ayınıñ 3-nde Kıyiv saatine köre saat 13:00-da Qırım köpründe 1120 maşina tura. İşğal etilgen Keriç tarafından — 402 maşina. Tamannıñ Rusiye tarafından — 718.
Köprüde olğan vaziyet aqqında operativ malümatnıñ Telegram kanalı bu aqqında bildire.
"Tamani tarafından 718 naqliyat maşnası baqılmaq içün nevbette tura. Bekleme müddeti tahminen üç saat. Keriç tarafından qolnen baqılmaq içün nevbette 402 naqliyat vastası tura. Bekleme müddeti eki saatqa yaqın", — dep haberde aytıla.
Hatırlatamız, Yañı yıl bayramları arfesinde işğalciler Qırım köpründe telükesizlik tedbirleriniñ quvetleştirilüvi aqqında ilân ettiler. Rusiye Naqliyat nazirliginiñ qararına binaen, anda nezaret noqtalarınıñ sayısı arttırıla ve naqliyat teşkerüvleri quvetleştirile.
Yol areketini nezaret etmek içün 212 qoşma nezaret noqtası celp etildi. Nazirlikniñ bildirgenine köre, bu, künde 17 520 maşnanı teşkermege ve naqliyatnıñ toqtatılmaması içün imkân berecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
