2014 senesi Rusiye yarımadanı zapt etken soñ işğalli prokurorlıq organlarına hızmet etmege başlağan ve işğal etilgen Qırımda Ukrayinağa qarşı qanun bozucı faaliyetni alıp barmağa yardım etken üç sabıq prokuror Ukrayinada mahkeme etilecek. Olarnı devlet hainligiUkrayina CQniñ 111-nci maddesiniñ 1-nci qısmınde qabaatlaylar ve 15 senege mahküm etile bilirler.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bu aqqında haber berdi.
Taqiqatnıñ malümatına köre, 2014 senesi qabaatlanğanlar — Ukrayina vatandaşları — antını bozıp, RFnıñ teklifine göñülli olaraq razı oldılar vr işğalli prokurorlıq organlarına hızmet etmege başladılar. Şu cümleden, olar Ermeni Bazar şeeri prokurorınıñ muavini, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorınıñ yardımcısı ve Pervomaysk (CurçıRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonı prokurorınıñ yardımcısı vazifelerini aldılar.
Prokurorlıq qayd etti ki, bu vazifelerni eda etkende qabaatlanğan adamlar vaqtınca işğal etilgen topraqlardaki işğalli akimiyet organlarınıñ faaliyetini temin eterek, "Qırım Cumhuriyeti prokurorlığınıñ reberligi"niñ qanunsız emirleri ve buyruqlarını yerine ketire ediler.
Uquq qorçalayıcı organlardan haber alğan menba Suspilne Qırımğa bildirdi ki, söz Pılıpınskıy Serğiy Volodımırovıç, Padlak Oleğ Valeriyovıç ve Pavlık Oleksandr Volodımırovıç aqqında yürsetile.
Telegram, WhatsApp, Facebook, TikTok ve YouTubede Suspilen Qırım haberlerine abune oluñız
