İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) 49 yaşındaki yerli sakinni "içtimaiy ağlarda yazıları sebebinden terroristik faaliyetni açıqtan-açıq çağırğanıRF CQniñ 205.2-nci maddesiniñ 2-nci qısmı ve aqlağanı"nda qabaatlap, cinaiy dava açtılar.
RF kontrolindeki Sevastopol (Aqyar) prokurorlığı bunı bildirdi.
Prokurorlıqnıñ malümatına köre, 2024 senesi ilk küz ayından 2025 senesi mayıs ayına qadar adam "Telegram kanallarınıñ açıq yazışma gruppalarında defalarca ava ve artilleriya ücümleri ve ateşke çağırğan mektüplerni derc etti".
Haberde qayd etilgenine köre, bu çağıruvlar, Rusiye tarafınıñ versiyasına köre, Rusiye Federatsiyasınıñ toprağında yaşağan vatandaşlarğa, em de arbiy ve vatandaş astyapısı obyektlerine ait edi. Qayd etilgenine köre, qabaatlanğan adam böyle areketlerni "aqladı".
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
