"Sarı şerit" areketiniñ faalcileri işğal etilgen Qırımda narazılıq aktsiyasını teşkil ettiler. Ukrayin muqavemetiniñ timsalleri yarımadanıñ bir qaç şeerinde — Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Azaq Yaltasında birden peyda oldı.
Areket Telegramda bunı bildirdi.
"Qırımda ava deñişe: qar yağdı, soñra kene yağmadı. Amma bazı şeyler deñişmey qala — işğalge riayet etmemek ve er kün küreşmek. İşğalli akimiyet turğunlıq ve "normal ayat" illüzsiyasını yaratmağa tırışa, lâkin kerçek başqa", — dep haberde qayd etildi.
Faalcilerniñ qayd etkenlerine köre, Qırım sakinleri işğalge razı degiller ve Ukrayina Silâlı quvetleriniñ Qırımnı Ukrayina nezareti altına qaytarmasını bekleyler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
