Rusiye Mudafaa nazirligi ilk qış ayınıñ 26-nda saba ve kündüz işğal etilgen Qırım ve Qara deñizniñ üzerinde 17 uçucısız uçaq aletiniñ urulğanını bildirdi. Olarnıñ malümatına köre, 16 dron yarımadanıñ üzerinde, daa bir dron ise deñizde urulğan.
RF Mudafaa nazirligi Telegramda bunı bildirdi.
"16 ukrayin dronı Qırım üzerinde ve bir Qara deñizde saat 08:00-13:00 arasında (Moskva vaqtına köre — muar.) tüşürildi", — dep haberde qayd etildi.
"Qırım yeli" Telegram kanalı ilk qış ayınıñ 26-nda üyle maalinde Canköy rayonında gürültüli patlav aqqında haber etti.
UPD// Feodosiya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ İslâm Terek köyünde işğalciler yanğınnı söndüreler. İşğalli Qırım yolbaşçısınıñ mesleatçısı Krüçkovnıñ Telegramda bildirgenine köre, ukrayin dronı "astyapı obyekti"ne ücüm etti.
Ukrayina tarafı bu malümatnı izaatlamadı.
İlk qış ayınıñ 26-na keçer gecesi "Qırım yeli" Telegram kanalı "Qaçı" ava limanı rayonında eki patlav aqqında haber etti. RF Mudafaa nazirligi Qırım üzerinde 5 dron ve Qara deñiz üzerinde 3 dron urulğanını bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
