İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) gubernatorı Mihail Razvojayev ilk qış ayınıñ 24-nde saba şeer ve Fiolent burnu civarında beş maqsatnıñ urulğanını bildirdi.
UPD1// RF Mudafaa nazirligi işğal etilgen Qırım üzerinde saat 06:00-dan 09:00-ğa qadar doquz dron tüşürilgeni aqqında bildirdi.
UPD// Kıyiv vaqtına köre, saat 08:58-de Razvojayev Sevastopol (Aqyar) civarında beş maqsatnıñ yoq etilgeni aqqında bildirdi.
Saat 08:11 o, Fiolentte eki obyektniñ yoq etilgeni aqqında haber etti.
"Sevastopol qurtaruv hızmetiniñ malümatına köre, şeerde iç bir vatandaş obyekti zarar körmedi", — dep haberde qayd etildi.
Saba saat 8:00-de Sevastopolda (Aqyarda) ava telükesi ilân etildi.
"Qırım yeli" Telegram kanalı bildirdi ki, ava telükesi ilân etilmeden beş daqqa evel Fiolent civarında eki patlav duyuldı.
Bundan ğayrı, Sevastopolda (Aqyarda) patlavlar aqqında haber etildi.
"Sevastopolda kene patlavlar", — dep abuneciler bildirdiler. O, "Pantsir-S1"ni ateşlegenini tahmin eteler", — dep haberde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
