Rusiye alimleri işğal etilgen Qırımda tedqiqatlar keçirip, 2025 senesi, soñki on yıl içinde ilk sefer, ağızlarına suv az ya da iç kelmegen özenlerniñ quruğanını kördiler.
Rusiye ilimler akademiyasınıñ Deñiz gidrofizika institutınıñ saytında bu aqqında haber etildi.
"2025 senesi, evelki yıllardan farqlı olaraq, suv aqımı devam ete edi, yağanaqlarnıñ olmaması özenlerniñ ağızlarını qurutuvğa yol berdi, ağızlarına aqqan suvları minimal edi, bazıda yoq edi. Böyle bir adise soñki 10 yıl içinde ilk sefer qayd etile. 2025 senesiniñ qurğaq devirinde yapılğan özen ağızlarınıñ geomorfologik tedqiqleriBu tetqiqatlar, dağ, vadi, yalı ve diger topraq şekillerini şekillendirgen ceryanlarnı, şu cümleden gravitatsiya, suv ve diger ceryanlarnı añlamaq içün közetüv, haritalav, topografik haritalarnıñ talili ve tarla usullarını qullana, özenge dinamikası aqqında yañı malümat almağa imkân berdi. Çoqusı allarda deñizge özen suvları qurğaqlıq sebebinden kelmey edi", — dep haberde qayd etildi.
Rusiye alimleri 2025 senesi qara qış, çiçek, ilk yaz ve boş aylarında Çorna, Belbek ve Qaçı özenleriniñ deñiz ağızlarını tedqiq ettiler. Bundan da ğayrı, suv basuvınıñ Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) körfezi üzerindeki tesirini, onıñ ve Çorna özeni arasındaki aluv esnaslarını tetqiq etip, onıñ vadiysiniñ suv basuv sebeplerini ögreneler.
TASS Rusiye devlet agentligi işğal etilgen Qırım "gidrometeorologiya ve etraftaki müitniñ nezareti idaresi"ne esaslanıp, işğal etilgen Qırımda yağanaqlar özenlerde suv seviyesi vaziyetini eyileştirmedi, dep bildirdi. 1971 senesinden berli ilk sefer işğal etilgen yarımadanıñ eñ büyük özenine, Belbekke, suv kelmey.
Hatırlatamız ki, bu yıl oraq ayında işğal etilgen yarımadanıñ yapma gölleriniñ uydu resimleriniñ talili köstergenine köre, Qırımnıñ çöl yapma gölleriniñ bir qısmı minerallaştı, bir qısmı ise qurudı ve yoq oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
