İlk qış ayınıñ 4-nde Sudaqta keçirilgen tintüvden soñ işğal etilgen Simferopolğa (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adke) ketirilgen qırımtatar jurnalisti ve siyasiy közeticisi Lenora Dülber azat etildi.
"Qırım birdemligi" bu aqqında haber etti.
Qırımtatar Milliy Meclisiniñ reisi Refat Çubarov malümatnı da tasdıqladı.
Hatırlatamız ki, jurnalistniñ evi "Kıyiv rayon mahkemesi"niñ qararı esasında tintildi. Tahqiqat tedbirleriniñ başlanması aqqında daa evel qırımtatar uquq qorçalayıcısı Lütfiye Zudiyeva bildirdi. Bu malümatnı Qırımtatar Milliy Meclisiniñ reisi Refat Çubarov tasdıqladı, onıñ aytqanına köre, tintüv vaqtında jurnalistniñ qızı da evde edi.
Lenoranıñ anası Elmira Dülber, "Qırım birdemligi"ne bildirdi ki, quvetçiler bütün odalarğa kirdiler ve aynı vaqıtta azbarda ve odalarda çalıştı.lar
“Saat altıdan soñ qapımız qaqıldı. Lenora qapını açtı, olar özlerini tanıttılar ve birden çoq silâlı adam, tahminen yigirmi adam edi, azbar ve odalarnı sarıp aldılar. Yanlarında Sudaqtan kelgen eki şaat bar edi", — dep o ayttı.
Qadınnıñ aytqanına köre, taqiqatçılar kitaplarını, vesiqalarını ve tehnikasını baqıp çıqtılar, soñ jurnalistniñ kompyuteri ve telefonını aldılar.
"Olar er bir cedvelni, er bir kitapçıqnı, atta dissertatsiyanı, saifeden saifege diqqatnen baqıp çıqtı. Kompyuteri ve telefonını alıp kettiler, soñ Lenoranı Simferopolğa (Aqmescitke — terciman) alıp ketkenlerini ve evge qaytacaqlarını ayttılar", — dep onıñ anası tarif etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
