Rusiye Federal havfsızlıq hızmeti bildirdi ki, Qırımda Ukrayina mahsus hızmetleriniñ rusiye arbiy zabitlerinden birine qarşı azırlağanı “teraktnıñ ögüni aldı”.
İşğalli Qırım yolbaşçısı Sergey Aksönov Telegramda bu haberni tasdıqladı.
RF FSBniñ bildirgenine köre, Bİİ niñ tarafını tutqan Ukrayina vatandaşı “alınğan patlayıcı alet vastasınen rusiye zabitini şahsiy maşnasında patlatacaq edi”.
RF FSBniñ Vatandaş alâqaları merkezine atıf etip, RİA “Novosti Krım” yazdı ki, adam tutulğanda öldürildi. Bundan ğayrı, qayd etildi ki, RF mahsus hızmetleri “cinayetçiniñ yardımcısı”nı tuttı ve terrorRF CQniñ 205.1-nci maddesi faaliyetini etkeni içün” oña qarşı cinaiy dava açıldı.
Aynı zamanda Qırımtatar resurs merkeziniñ yolbaşçısı Eskender Bariiev bunı "ögüni aluv ikâyesi" ve "yarımada sakinlerini qorquzmaq maqsadınen planlaştırılğan öldürüv" dep adlandırdı.
"Bu haber, "telükeli diversantlar" ve ealiniñ qorquzuvı aqqında daa bir ikâye yaratmaq maqsadınen yapılğan sanalaştıruvnıñ alâmetlerine saip", — dep o qoştı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
