İşğal etilgen Yaltada qanunsız qurucılıq ya da işğalli memuriyetniñ areketsizliginen bağlı er angi halq narazılığı "provokatsiya" olaraq ilân etile. İşğalli kütleviy haber vastaları yerli akimiyetniñ muvafaqiyetsizligini gizlemek içün "duşman" süretini yarata.
Milliy muqavemet merkezi bunı bildirdi.
İşğalli kütleviy haber vastaları yaza ki, Polikurovsk töpesi ve Simeizde qurulğan binalar etrafındaki qavğalar "tıştan yaratılğan" ve yerli sakinlerni "memurlarğa muracaat etmemege" çağıra.
"Bu, işğalli akimiyetke tesir etüv mehanizminiñ blok etilmesidir. Bu arada Yalta qanunsız qurucılıqnen battı, töpeler aşala, ormanlar ğayıp ola. Şeer sakinleri yıllarca muracaatlarınıñ baqılmasını talap eteler — olarnı akimiyet organları arasında taşlay. Ve meseleler açıq alğa çıqsa, insanlarnı birden "stabilsizdiriciler" dep adlandıralar", — dep MMM bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
