Beş sabıq Qırım mahkemecisi devlet hainligiUkrayina CQniñ 111-nci maddesiniñ 1-nci qısmı içün mülküni musadere etip, ğıyabiy şekilde 13 yılğa mahküm etildi. Yarımada işğal etilgen soñ olar rusiye "mahkemecileri"ne hızmet etmege başladılar.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Prokurorlarnıñ qayd etkenlerine köre, yarımada işğal etilgen soñ mahküm etilgenler Ukrayina halqına sadıqlıq antını bozıp, Rusiye tarafını tuttılar. Olar Rusiye Federatsiyasınıñ işğalli müessiselerinde — "Yigirmi birinci arbitraj istinaf mahkemesi"nde, "Qırım Cumhuriyetiniñ Saq rayon mahkemesi"nde ve "Sevastopol şeerindeki Gagarin rayon mahkemesi"nde "mahkemeciler" vazifelerini aldılar".
"Rusiye Federatsiyasınıñ adından ve menfaatları içün "adalet" yerine ketirerek, mahküm etilgenler istilâcı devletke Ukrayinağa qarşı bozuv faaliyetini alıp barmağa yardım ettiler ve yarımadada işğalli akimiyetniñ qurulmasını ve pekitilmesini temin ettiler", — dep haberde bildirildi.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
