Ukrayina mudafaa quvetleri işğal etilgen Qırımda "Nebo—У" radiolokatsiya stantsiyasına ücüm etti. İşğal etilgen yarımadada Rusiye AMS-nıñ bir qısmına ücüm etüvniñ aqibetleri aydınlatıla.
USQniñ Baş ştabı Facebookta bu aqqında bildirdi.
"Tahqiqat neticeleri aydınlatıla. Mudafaa quvetleri Rusiye işğalcileriniñ arbiy—iqtisadiy ve ücüm imkânlarını bozmaq ve Rusiyege Ukrayinağa qarşı silâlı tecavuznı toqtatmağa mecbur etmek içün bütün tedbirlerni almağa devam ete", — dep haberde aytıla.
"Arbiy" leyhasınıñ malümatına köre, Rusiyeniñ "Nebo—У" radiolokatsiya stantsiyası — "Nizhernoğorod televizor zavodı" tarafından işlep çıqarılğan ve 2006 senesinden berli Rusiye Mudafaa nazirligine berilgen inkişaf etilgen variantıdır.
Bu stantsiya ile büyük maqsatlarnı tapmaq içün eñ çoq 700 km mesafe bar. USQ malümatına köre, onıñ fiyatı tahminen 100 million dollarnı teşkil ete.
Hatırlatamız, boş aynıñ 14-ne keçer gecesi işğal etilgen Qırımda patlavlar oldı — işğalciler Sevastopolğa (AqyarğaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ücüm eteceklerini bildirdiler, yerli sakinler Kefede de patlavlar olğanını bildirdiler. Rusiye Mudafaa nazirligi, yarımadada ava darbeleriniñ toqtatılğanı ve hedeflerniñ tüşürilgenini bildirdi.
Hatırlatamız, işğal etilgen Qırımda ANS işini, patlav aqibetlerini, arbiylerniñ yerleşken yerlerini çekmege yasaq etile. Böyle areketler içün para cezası — 3 biñden 100 biñ rublege qadar (tahminen 1000-den 33 biñ ğrıvnağa qadar — muar.).
Ukrayina arbiy-deñiz quvetleri boş aynıñ 11-nde işğal etilgen Kefede neft terminalınıñ zarar körgenini videoğa çıqardı. Baş ştabnıñ malümatına köre, suv anbarına kiriş qayd etildi, zarar miqdarı şimdilik belgilene.
Boş aynıñ 13-nde USQniñ Baş ştabı işğal etilgen Qırımda "Deñiz neft terminalı" neft mahsulatlarınıñ saqlanuvı, "Kirovskoye" ava limanında helikopterler turağı ve UUA-nİñ saqlav ve azırlav yerleri, Yevpatoriya rayonında AMS radar stantsiyası ile alâqası bar olğanını tasdıqladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
