Rusiye Mudafaa nazirligi, Kıyiv saatine köre saat 15:00ten 17:00ge qadar 11 uçucısız uçaq aletini tüşürgenini bildirdi. Daa bir dane, nazirlikniñ malümatına köre, işğal etilgen Qırım üzerinde yoq etildi.
Rusiye Mudafaa nazirligi Telegramda bunı bildirdi.
"Moskva vaqtına köre saat 16:00-18:00 arasında AMSnıñ vastaları 14 ukrayin uçucısız uçaq aletini yoq etti: 11-ini — Qara deñiz, 2-sini — Kursk vilâyeti, 1-ini — Qırım Cumhuriyeti üzerinde", — dep haberde qayd etildi.
UPD2// "Qırım yeli" resursı Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Oraq Acı (Komsomolske) köyünde dronnıñ parçaları tüşkenini bildirdi.
UPD1// Rusiye Mudafaa nazirligi, Kıyiv saatine köre saat 17:00-19:00 arasında Qara deñiz ve Qırım üzerinde 14 uçucısız uçaq aletini tüşürgenini bildirdi.
İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) gubernatorı Mihail Razvojayevnıñ Telegramda yazğanına köre, Sevastopol (Aqyar) civarında deñizde 4 UUA yoq etildi.
Bundan ğayrı, "Qırım yeli" resursı Ğvardiyskedeki neft bazasına ücüm aqqında bildirdi.
"Rusiye AMS tüşürmege tırışa. Boş aynıñ 10-na keçer gecesi MOQ bu neft bazasına ücüm etti, bundan evel orta küz ayınıñ 17-nde. O yerde strategik yaqarlıq yedekleri saqlana", — dep haberde bildirildi.
Hatırlatamız ki, Ukrayina Silâlı quvetlerniñ uçucısız sistemalar quvetleri bildirdiler ki, boş aynıñ 13-nde gece, USQniñ 1-inci ayrı merkeziniñ operatorları (BpAK 14-ünci ayrı polkı) işğal etilgen Feodosiyadaki (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addeki) "Deñiz neft terminalı"nı urdı.
Bundan da ğayrı, Ukrayina Silâlı quvetleriniñ Baş ştabı işğal etilgen Qırımda "Deñiz neft terminalı" neft mahsulatlarınıñ saqlanuvı, "Kirovske" ava limanında helikopterler turağı ve UUAleriniñ saqlanuv ve azırlav yerleri, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında AMSnıñ radiolokatsiya stantsiyasında iştirak etkenini tasdıqladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
