İşğalci "Sevastopol ükümetinde" dört yañı vekil tayin etildi. Bütün "işçiler" — Rusiye vatandaşlarıdır. Dezinformatsiya ile küreş merkeziniñ malümatına köre, işğal etilgen Qırımda Moskva ve işğalci yerli elitalar arasında akimiyet ve maliye aqımları içün raqiplik arta.
"Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ükümetinde" dört vekilniñ tayinlenüvi aqqında onıñ "başı" Razvojayev Telegramda bildirdi.
Evelden Vologda ve Moskva vilâyetlerinde çalışqan Mıhaylo Silka endi işğal etilgen Sevastopolda (Aqyarda) tibbiyet ve içtimaiy qoruv saası içün mesüliyetli olacaq. Açıq menbalardan alınğan malümatqa köre, "memur" qazahistandır, amma devlet hızmetinde Rusiyede karyerasını qurdı. Şimdi onı işğal etilgen Qırımğa yolladılar.
Bundan da ğayrı, Denıs Profatilov Sevastopol (Aqyar) Yuqarı Şurasına kirdi, onı iqtisadiy ve raqamlı inkişafı içün mesüliyetli olaraq tayinlediler. Onıñ özü Vorkutadan (Komi Cumhuriyeti) kele. İşğal etilgen Qırımğa 2020 senesi yollanıldı.
İgor Mihayev endi Sevastopolnıñ (Aqyarnıñ) tasil, medeniyet ve sport yönelişinden mesüliyetli olacaq. O, Moskva vatandaşı olğan Profilatov kibi, 2020 senesi boş ayından işğal etilgen Qırımda "işley".
Aynı zamanda Mariya Litovko turizm ve regionlarara işbirlik meselelerinden mesüliyetli olacaq, amma Moskvadan uzaqtan çalışacaq.
"Mariya Aleksandrovnağa berilgen vazifelerniñ hususiyetini köz ögüne alıp (ve şimdiki zamannıñ añlaşılacaq logistik qıyınlıqlarını köz ögüne alıp), onıñ daimiy iş yerini Moskvada belgilemek qararı alındı. Bu, Sevastopolnı (Aqyarnı) halqara ve regionlarara tedbirlerde daa semereli temsil etmege ve federal akimiyet organlarınen daa sıq işbirlik tutmağa imkân berecek", — dep Razvojayev yazdı.
Hatırlatamız, işğal etilgen Qırımda, Dezinformatsiyağa qarşılıq Merkeziniñ malümatına köre, akimiyet ve maliye aqımlarını nezaret etüv içün Moskva ve işğalci yerli elitalar arasında reqabet arta. Böylece, yarımadanıñ "başı" Sergiy Aksönovğa qarşı RF Devlet dumasınıñ sabıq deputatı Ruslan Belbek kampaniya başlattı. Kreml, Aksönovnıñ yerine "Qırım nazirler şurasınıñ reisi" Yuriy Gotsanükni tayin ete bile.
"Qırımda qabarcılıq ve iç zıddiyetlerniñ miqyası Aksönovnı Moskvağa "kilimde" çağırmağa sebep oldı. Anda oña federal paralarnı hırsızlağanı içün qabaatlav lafı berdiler, bu ise, yolbaşçılıq deñişmesi aqqında laflarnı quvetleştirdi. Kreml, yerli "deputatlarnıñ" ekseriyetiniñ destegi olğan ve daa idare etilgen bir şahıs ola bilecek daa bir işbirlikçi Yuriy Ğotsanükniñ namzetligini köz ögüne ala", — dep SİZO haberinde aytıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
