İşğal etilgen Qırımda vahşi ayvanlar arasında quturuv hastalığı arttı. Hususan, ekim ayınıñ soñunda, Sevastopolnıñ (AqyarnıñRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) Terniv belediye okruğında vahşi quşlarda yuqunç tapılğanı sebebinden karantin ilân etildi.
"Gorod 24" ve "Qırım haberleri lentası" Rusiye Federativ veterinariya ve fitosanitar nezareti hızmetiniñ Azaq-Qara deñiz regionlarara idaresiniñ işğalci yolbaşçısı Arsen Aziyevge atfı etip bu aqqında bildire.
"Qırım ve Sevastopolda (Aqyarda) yabanıl ayvanlar arasında qaza sayısı az, amma arttı. Bizni vahşiy ayvanlar arasında qaza sayısı artqanı qasevetlendire. Vaziyet kritik degil, ve yapılğan profilaktik tedbirler öz neticelerini bere", — dep o qayd etti.
Hatırlatamız, Qırımdaki "Sarı şerit" istilâsı areketiniñ menbalarına köre, küzde çirkefler ile vaziyet kerginleşti. Yerli sakinlerniñ aytqanına köre, ekim ayında vaziyet yazğa baqqanda daa zor.
Hususan, Simferopol (Aqmescit), Yalta, Sevastopol (Aqyar) ve Yevpatoriya sakinleri işğal organları tarafından topraqlarnıñ sıqıştıruvı ve akaricidli işlenüviniñ eksikliginden şikâyet eteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
