İşğal etilgen Qırımda arbiy uquqçılarnıñ hızmetlerine talap artqanı qayd etile. Olarğa Rusiyeniñ Ukrayinağa qarşı cenkiniñ iştirakçileri ve olarnıñ tuvğanları sıq-sıq muracaat ete.
Yerli uquq qoruyıcı boş aynıñ 9-nda "Qırım. Realiya" neşiri ile subetleşken vaqıtta bu aqqında bildirdi.
"Rusiye akimiyeti em federal seviyede, em de ilhaq etilgen Qırımda sözde "MAARusiyede Ukrainağa qarşı cenkke böyle deyler" iştirakçilerine yañı muqavelecilerni celp etmek içün bir sıra imtiyazlar berdi. Amma kerçekten olarnı elde etmek qıyın ola. İşte bundan soñ Qırımda devletten söz berilgenini almağa yardım etken arbiy uquqçılarnıñ hızmetlerine talap arta", — o dedi.
Uquq qorçalayıcınıñ aytqanına köre, sıq-sıq arbiylerniñ tuvğanları, askerniñ ölümi tanılsın ya da içtimaiy kefaletlerge aqqı tasdiqlansın dep, "mahkeme"ge muracaat etmege mecbur olalar.
"Arbiy uquqçılar bir çoq meseleni mahkeme ögüne çezmege yardım eteler", — o dedi.
Daa evel "Ateş" areketiniñ partizanları, işğal etilgen Sevastopolda (Aqyarda) Rusiye arbiyleri, cenkte zarar körgen tehnikanı tamir etmek içün, satılğan maşinalarnı parçalağanını köstergen delillerni aydınlattı.
Hatırlatamız, "Sarı şerit" areketiniñ vekilleri bundan evel işğal etilgen Qırım kirişinde Ermeni Bazar yanındaki blokpostta Rusiye arbiyleriniñ genç qızlarnı taqip etkeni aqqında bildirgen ediler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
