Mahsus operatsiyalar quvetleriniñ qarşılıq areketi Deep strike bölüklerinen işbirlikte S-400 "Triumf" zenit-raketa kompleksiniñ uçuruv qurulışını yoq ettiler ve işğal etilgen Qırımda RF 18-inci ordusınıñ silâ anbarına ücüm ettiler. Ameliyatnıñ soñki basamağı 2025 senesi orta küz ayınıñ 6-nda oldı; ameliy telükesizlik sebebinden malümat daa evel aydınlatılmadı.
Ukrayina Silâlı quvetleriniñ mahsus operatsiyalar quvetleri Telegramda bu aqqında haber etti.
MOQniñ haber etkenine köre, istihbarat malümatları Rusiye Federatsiyasınıñ 18-inci ordusınıñ silâ anbarı Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Udaçne köyünde yerleşkenini kösterdi. Soñki mahsus istihbarat duşman silâsınıñ yerleştirilmesini tasdıqladı. 2025 senesi orta küz ayınıñ 6-na keçer gecesi silâ anbarı MOQniñ uçucısız uçaq aletleri tarafından uruldı.
"Aynı künü MOQniñ bölükleri S-400 "Triumf" mobil zenit-raketa kompleksiniñ uçuruv qurulışını yoq ettiler. AMSniñ obyekti Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) civarındaki Uyutne köyünde yerleşken edi. S-400 uçaq maqsadlarını uzaq mesafede tapmaq ve urmaq içün azırlanılğan; duşman bu kompleksni Ukrayina toprağına ücüm etmek içün de qullana", — dep MOQ qayd etti.
Hatırlatamız ki, boş aynıñ 6-na keçer gecesi Ukrayina mahsus operatsiyalar quvetleri vaqtınca işğal etilgen Qırımda neft bazaları ve yaqarlıq-yağ malzemeleriniñ anbarlarına bir qaç kere ücüm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
