İşğalli Rusiye quvetçileri, yıl başında evi tintilgen soñ tutulğan işğal etilgen Qırımnıñ eki sakini Anna ve Oksana Sotsenkonı Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) 1-nci SİZOa avuştırdılar.
"Tribunal. Qırım epizodı" uquq qorçalayıcı teşebbüsi, işğal etilgen yarımadanıñ apishanelerinde olğan menbağa esaslanıp, bunı bildirdi.
"Tribunal. Qırım epizodı"nıñ malümatına köre, qadınlar uzun müddet devamında bütünley izolâtsiya etilgen edi, şimdi ise "devlet hainligi"nde qabaatlanalar. 70 yaşındaki Anna Sotsenkonıñ bir sıra hronik hastalığı bar, qızı Oksana Sotsenko ise on yaşındaki saqat balasını östüre edi. Buña baqmadan, olar doquz aydan ziyade tış dünyanen bağsız tutuldı — bulunğan yeri aqqında resmiy haberler yoq edi.
Uquq qorçalayıcılarnıñ qayd etkenlerine köre, Rusiye istilâsı başlanğan soñ Rusiye quvetçileri Qırım sakinlerini "devlet hainligi" ve "Ukrayina faydasına casuslıq yapqanı"nda qabaatlap, apiske aldılar.
"Bu davalarda qabaatlavlar zorbalıqnen ğayıp oluvdan evel berile, mahkemelerde ise, qabaatlayıcı tarafnıñ köstergeni bu insanlarnıñ qabaatını isbatlağan delillerniñ qanuniyligi ve kerçekliginiñ obyektiv qıymet kesilmesine yol bermemek içün, bir şey yoq. Tek 2025 senesiniñ yazında ukrayin mahsus hızmetlerinen işbirlik yapqanda qabaatlanıp 17 Qırım sakini tutulğanı belli oldı", — dep haberde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
