Putin vatandaşlarnı arbiy hızmetke yıl devamında — qara qış ayı 1-den ilk qış ayı 31-ne qadar celp etken qanunnı imzaladı. Eskiden orduğa çağıruv yılda tek eki kere keçirile edi — baar ve küzde.
QRM bu aqqında bildire.
Yañılıq, vaqtınca işğal etilgen Ukrayina topraqlarınıñ, hususan Qırımnıñ, sakinlerini RF silâlı quvetlerine mecburiy celp etmek içün qullanıla bilecek devamlı mobilizatsiya esnasını qanunlaştıra.
Vesiqağa binaen, elektron bildirüvler endi 30 kün devamında çalışacaq, vatandaşlarğa memleketni terk etmege yasaq etile. Bundan da ğayrı, mobilizatsiyadan soñ berilgen teneffüs arizaları eñ azdan beş iş künü içinde baqılmalı.
"Böyle adımlar Rusiyede nezaret, tsenzura ve repressiyalarnıñ quvetleşkenini, em de vaqtınca işğal etilgen Ukrayina topraqlarınıñ sakinleri içün telüke artqanını köstere", — dep QRMde qayd ettiler.
Hatırlatam, evel Rusiye Devlet duması ekinci oquvda müddetli hızmetke çağıruvnı bütün bir yıl devamında keçirmege imkân bergen qanun leyhasını destekledi. QRM qayd etkenine köre, vesiqa Ukrayinanıñ vaqtınca işğal etilgen topraqlarınıñ, hususan Qırımnıñ, sakinlerini RF silâlı quvetlerine mecburiy celp etmek içün qullanıla bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
