"Ateş" arbiy-partizan areketiniñ agentleri işğal etilgen Sevastopolda (AqyardaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) Qırım köprüsiniñ qoruvında iştirak etken Rusiye mahsus vazifeli bölüginiñ teşkerüvini keçirdiler. Bütün toplanğan malümat Ukrayina Mudafaa quvetlerine berildi.
"Ateş" areketi Telegramda bu aqqında bildire.
"Ateş" malümatına köre, RFnıñ Qara deñiz flotunıñ suvastı diversiya küçleri ve vastalarına qarşı küreş mahsus vazifeleriniñ 102-nci ayrı bölügi Konstantin körfezinde buluna.
Operatsiya vaqtında Rusiye mahsus hızmetçilerinen beraber rezin qayıq, arbiy maşna ve arbiy hızmetçilerniñ taqımı areket etkenini qayd ettiler. Açıq menbalarnıñ malümatına köre, bu bölük Qırım köprüsiniñ qoruvında iştirak ete.
"Bütün yalı kenarlarınıñ, közetüv noqtasınıñ, bölükniñ içindeki diger gemilerniñ ve maşnalarnıñ yerleşüvini de belgilemek mümkün oldı. Bu arbiy bölükniñ yeñilmesi Qırım köprüniñ qoruvını zayıflatacaq ve yarımadada işğalcilerniñ bulunuvını eksiltecek", — dep haberde aytıla.
Hatırlatamız, "Ateş" arbiy-vatanperver areketiniñ agentleri, işğal etilgen Sevastopolda (Aqyarda) rusiyeliler arbiy tehnika tamir etilmesi içün satılğan maşnalarnı parçalağanını taptılar. Olarnıñ malümatına köre, Gagarin rayonındaki arbiy bölüklerden birinde onlarnen qullanılmağan yük maşnaları ve eki qullanımlı maşnalar çıqarıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
