İşğal etilgen Qırımda bücet qıtlığı sebebinden gazlaştıruv hızmeti yavaşlay. Paralar leyha ve masraf vesiqaları tasdıqlanğan leyhalar içün de yetmey.
Qırım uquq qoruyıcılarından biri "Qırım. Realiyi" jurnalistlerine bu aqqında bildirdi.
"Rusiye tarafından Ukrayinağa qarşı başlatılğan cenkniñ çiçekleri endi bar edi, şimdi ise meyvaları başlana. Para yoq! Qırımnıñ sözde akimiyetiniñ malümatına köre, mesken yerlerniñ gazlaştırılmasına bücet parasınıñ episi 2027 senesine qadar ayırıldı. Aynı zamanda, leyha ve masraf vesiqaları azırlanğan obyektlerniñ maliyeligi eksiktir. Yañı leyhalar baqılmay bile", — dep uquq qoruyıcı bildirdi.
Onıñ aytqanına köre, bir çoq obyektniñ işi belli olmağan müddetke toqtatılacaqlar.
"Rusiye memurlarınıñ aytqanına köre, gaz ağlarınıñ leyhası ve qurucılığı içün yañı añlaşmalar 2027 senesinden soñ baqılacaq. Amma şimdiki vaziyetke köre, bu müddetke qaldırıla, dep tüşünem", — dep uquq qoruyıcı qoştı.
"Qırım. Realiyi" yazğanına köre, Qırımnıñ işğalci idaresiniñ Yaqarlıq ve energetika nazirliginde "qazlevniñ maliyeviy menbalarını qıdırmaq içün devamlı iş alıp barılalar".
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
