Ukrayinanıñ işğal etilgen topraqlarında, hususan Qırımda, "Qaramanlar ralesi" teşviqat leyhasınıñ ömürge keçirilmesi tezleştirile.
Milliy muqavemet merkezi bunı bildirdi.
"Moskva işğalli "tasil nazirlikleri"ne vaqtınca işğal etilgen topraqlardaki mekteplerde "Qaraman ralesi"ni meydanğa ketirmege avale etti. İşğal etilgen Qırım Muhtar Cumhuriyeti lider oldı, anda "vatanperver raleler" bala bağçalarına bile qoyula, balalarğa yoq etilgen Rusiye arbiy hızmetçileriniñ "areketleri" aqqında tarif etile", — dep haberde qayd etildi.
MMM yazdı ki, ocalar "kütleviy vatanperverlik" illüzsiyasını yaratmaq içün, işğalcilerniñ portretleri yanında "cesaret dersleri"ni keçirmek mecburlar.
Hatırlatamız ki, işğal etilgen Ermeni Bazardaki mektepte "Rusiye qaramanları — Qırımnıñ ğururı" teşviqat leyhasına qoşuldılar. Onıñ çerçivesinde Ukrayinağa qarşı cenkte iştirak etken Rusiye arbiy hızmetçileri talebeler ve ocalarnen körüşip, "cesaret ve qaramanlıq" aqqında tarif ete.
İşğal etilgen Ermeni Bazarınıñ mekteplerinde bu leyhanıñ amelge keçirilmesi aqqında Ukrayina devlet hainligi içün 14 yılğa mahküm etilgen işğalli memuriyet yolbaşçısı Vasıl Telijenko Telegramda yazdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
