2025 senesi orta küz ayınıñ 22-nde qırımtatar halqınıñ lideri Mustafa Cemilev ve cemaat erbabı Safinar Cemilevanıñ büyük oğlu 51 yaşındaki Eldar Ebubekirov vefat etti.
Onıñ ölümi aqqında Qırımtatar Milliy Meclisiniñ reisi Refat Çubarov bildirdi.
Eldar Ebubekirov uzun ve ağır hastalıqtan soñ vefat etti. 2000 seneleri o, 2003 senesinden 2008 senesine qadar çoqmilletli koalitsiya quvetlerine kirgen ve bölgede bulunğan İraqtaki Ukrayina barıştırıcı kontingentiniñ erkânında iştirak etti.
"Qırımtatar Milliy Meclisi qırımtatar halqınıñ lideri, Ukrayina halq mebusı Mustafa Cemilevge, qırımtatar milliy areketiniñ veteranı Safinar Cemilevge, soy-soplarına ve yaqınlarına Eldarnıñ vefat etkeni sebebinden samimiy taziyelerini bildire", — dep Çubarov yazdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
