Qırım bergi organlarınıñ eki sabıq yolbaşçısı devlet hainligiUkrayina CQniñ 111-nci maddesiniñ 1-nci qısmınde qabaatlana. Yarımada işğal etilgen soñ olar Rusiye kontrolindeki müessiseleriniñ yolbaşçıları oldılar.
Orta küz ayınıñ 21-nde Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Taqiqatnıñ versiyasına köre, 2014 senesi qabaatlanğanlar, devlet hızmetçisiniñ antını bozıp, "Qırım Cumhuriyeti Federal bergi hızmetiniñ idaresi"ni ve "Qırım Cumhuriyetindeki 9-ncı Federal bergi hızmetiniñ rayonlarara inspektsiyası"nı idare etti, böylece Rusiye Federatsiyasına Ukrayinağa qarşı bozuv faaliyetini alıp barmaqta yardım etti.
Taqiqat olarnıñ areketleri Ukrayina suvereniteti, topraq bütünligi ve toqunılmazlığına zarar ketirgenini belgiledi. Qabaatlanğan şahıslarğa 15 yılğa qadar apis cezası berilecek.
Suspilne Qırımnıñ haberdar olğan menbalarınıñ sözlerine köre, söz Velıkoluğ Roman Yevğenovıç ve Krükov Serğiy Ğeorğiyovıç aqqında kete.
Prokurorlıqnıñ hatırlatqanına köre, Ukrayina Anayasasınıñ 62-nci maddesine binaen, insan, qanuniy şekilde qabaatı isbatlanıp, mahkemeniñ qabaatlav qararı çıqarılmağanına qadar, qabaatsız sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
