İşğalli quvetçiler, işğal etilgen Qırımdaki camilerde video kameralarını yerleştirdiler. İşğalciler, bunıñ "havfsızlıq ve içeri nezaret" ihtiyacları olğanını añlatalar.
Uquq qorçalayıcı ve jurnalist Lütfiye Zudiyeva Facebookta bu aqqında haber berdi.
Bugün Qırım camileriniñ çoqusında video kameraları yerleştirildi. Resmen bunıñ havfsızlıq ve içeri nezaret ihtiyacları olğanını añlatalar, amma kerçekten de video kameralarınıñ yazğanı videolar din erbaplarını qanunsız olaraq nezaret etmek içün qullanıla bile", — dep Zudiyeva yazdı.
Aynı zamanda uquq qorçalayıcı qayd etti ki, anda körüngen insalardan izin almadan böyle video, ses qayıtları ve fotoresimlerni yollamaq, yayınlamaq Rusiye Federatsiyasınıñ qanunlarını bozmaq demektir: "Şahsiy bilgiler aqqınad" qanunı, Vatandaş qanunnamesiniñ "Vatandaşnıñ resmini qoruv" 152.1-nci maddesi, "Vicdan serbestligi ve diniy birleşmeler aqqında" qanunı, memuriy bozmalar qanunnamesi ve Cinayet qanunnamesi.
"Diniy merasimler içün oda gizli şekilde videoğa çıqarılğanda eki madde aqqında unutmamaq kerek: memuriy (MBQniñ şahsiy bilgiler saasında qanunlarnı bozuv aqqında 13.11-nci maddesi) ve cinaiy (CQniñ malümatnı gizli şekilde almaq içün qullanılğan mahsus tehnikanı qanunsız aluv aqqında 138.1-nci maddesi)", — dep Zudiyeva qoştı.
Hatırlatamız ki, işğal etilgen Biloğirsk (QarasuvazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ Sarı Suv adlı qırımtatarlarnıñ kopmaktlı yaşağanları mikrorayonda yaşağan faalci Qırım.Aqiqatqa anonim şeklinde bildirdi ki, ilk küz ayında Qırımda işğalli polis hadimleri qırımtatarlarnıñ kopmaktlı yaşağanları yerlerni faalca tintmege başladılar. Bundan ğayrı, yerli sakinler añlattılar ki, işğalli akimiyetniñ patlayıcı maddelerni alıp ketmege talap etken ilânlarını taptılar.
Telegram, WhatsApp, Facebook, TikTok ve YouTubede Suspilne Qırım haberlerine abune olunız
