İşğalli Qırım Yuqarı mahkemesi 67 yaşındaki Yalta sakinini "devlet hainligi" içün sert rejimli müstemlekede 14 yılğa, 1 yıl 6 aylıq azatlıq sıñırlanmasına mahküm etti.
Orta küz ayınıñ 1-nde Rusiye teşviqat haber agentligi RİA "Novosti", Rusiye FSBsiniñ Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki idaresiniñ malümatına esaslanıp, bunı bildirdi.
FSB malümatına köre, adam Ukrayina havfsızlıq hızmetiniñ hadimi ve 58 yaşındaki Qırım sakini — sabıq yüksek unvanlı arbiy hızmetçi, gizli malümat taşıyıcısı arasında bağ qurdı. İşğalciler qayd ettiler ki, Yalta sakini, UHH tarafından bu Qırım sakininden arbiy malümat almağa niyetlengen edi.
"Netice olaraq, arbiy pensiyacığa UHHden internet-messencerler vastasınen, Rusiye Federatsiyasınıñ Silâlı quvetleri içün ağır aqibetlerge — arbiy tehnika ve hadimler ğayıp olmasınıñ sebebi olacaq muayen vazifeler boyunca bildirüvler keldi. Talimatlarnı yerine ketirmegence, Ukrayina mahsus hızmeti vatandaşnı fizikiy yoq eteceginen qorquttı", — dep haberde qayd etildi.
Daa evel ruslar Moldova vatandaşı Yevğen Kurdoğlunı 14 yılğa üküm etti. O, "Bİİniñ reberligi tarafından işğal etilgen Qırımda terakt ıntıluvı"nda qabaatlandı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
