Vaqtınca işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) "Sarı şerit" areketiniñ faalcileri yañı qarşılıq aktsiyasını keçirdiler. Olar şeerde "gubernator" saylavlarını boykot etmege çağıruvnen levhalarnı tarqattılar ve Sevastopolnıñ (Aqyarnıñ) Ukrayina olğanını hatırlattılar.
Areket Telegramda bunı bildirdi.
Areketniñ iştirakçileri sakinlerni yarımadada Rusiye tarafından teşkil etilgen rey berüvni körmemezlikke urmağa çağırdılar ve Qırım sakinleriniñ aqiqiy saylavı — sahte protseduralarda iştirak etüv degil de, serbestlik olğanını qayd etti.
"Bu saylavlarnı körmemezlikke urmaq — muhalifetniñ müim bir ifadesidir. Rey berüv bölügine kelmegen er bir kişi, Qırım sakinleriniñ işğalli akimiyetni tanımaycaqlarını köstere. Basqı ve daima nezaret altında olğan insanlar işğalcilerge "yoq" dep aytmaq içün bir yol tapalar. Çünki Qırım sakinlerini∫ aqiqiy saylavı — serbest Ukrayinada serbestlik ve yaşayış", — dep areket qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
