İşğal etilgen Qırımda Rusiye FSBsiniñ hadimleri Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) yaşağan insannı yaqalağanlarını bildirdi. Onı Ukrayina Silâlı quvetlerine arbiy obyektler ve ava mudafaası sistemaları aqqında malümat berüvde qabaatlaylar.
RİA "Novosti Krım", Qırımdaki işğalli FSB-ge atfı etip bunı yazdı.
"Yaqalanğan şahıs WhatsApp internet-mesacısı vastasınen foto-video malümatını ve arbiy obyektlerniñ koordinatları ve kritik astyapı obyektleriniñ elektron vesiqalarını, em de AMS yerleşüvini bergen edi", — dep işğalli FSB haberinde qayd etildi.
Rusiye mahsus hızmetleriniñ malümatına köre, ondan alınğan malümatlar diversiyalarnı planlaştırmaq ve Rusiye ordusınıñ mevzilerine raketa ve artilleriya ücümlerini yapmaq içün qullanıldı.
FSB, tutulğanğa qarşı "devlet hainligi" maddesine istinaden cinaiy dava açılğanını bildirdi. Oña nezaret altında bulunmaqtan qorçalav tedbiri berildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
