13 yılğa mahküm etilgen qırımtatar siyasiy mabüsi, çoq balalı baba Server Zekiryayev endi üç yıldır toqtamayıp Tula vilâyetiniñ Donskoye şeerindeki 1-nci sert rejimli müstemlekeniñ kartserinde tutula. Qorantası şikâyet etkenine ve mahkemege muracaat etkenine baqmadan, apis cezaları insaniyetsiz qala.
Onıñ apayı Zarema Zekiryayeva "Qırım birdemligi"ne bunı bildirdi.
"Tam üç yıl devamında Server bu insaniyetsiz şaraitte buluna. KTTOnı ŞİZOğa, KTOğa deñiştireler, böyle devam ete. İşten marum eteler, evge telefon etmege bermeyler, körüşüvlerni yasaq eteler", — dep ayttı o.
Bütün yaznı Zekiryayev kamera türlü odada keçirdi, soñra onı 12 künge ceza izolâtorına yolladılar.
"Bir sebebi olmadan. Bu onıñ maddesine köre bir munasebettir", — dep apayı añlattı.
Siyasiy mabüs ve onıñ qorantası defalarca müstemlekeniñ memuriyetine, bölgedeki VNEVatandaş nezaret eyyeti, prokurorlıqqa, Tahqiqat eyyetiniñ Tula vilâyetindeki idaresine, em de mahkemege muracaat etip, onıñ aqlarınıñ bozuluvına diqqat ayırılmasını talap etken ediler. Lâkin TM-1niñ memuriyeti Zekiryayevge basqı yapmağa devam ete.
Bu sene çiçek ayında Qırımnıñ Bağçasaray rayon mahkemesiniñ mahkemecisi Zekiryayevniñ KTTOda tutuluv şaraiti ağır olğanı aqqında memuriy davanı red etti.
"Kanalizatsiya teşikleri kameramnıñ penceresinden eki-üç metr uzaqlığında yerleşe ve daima aşırı toldurıla. Qusqanımdan uyana edim", — dep qırımtatar tarif etti.
Apiske alınmazdan evel Server Zekiryayev beden terbiyesi ocası ve çeçekçiliknen oğraşa edi. Bağçasarayda, azatlıqta, onı 13 bala bekley
Server Zekiryayev aqqında ne bilemiz
Tevqif etilmegen evel Zekiryayev beden tasili ocası olıp çalışqan ve çiçekçilik yapqan edi. Onıñ 13 balası bar, adam tevqif etilgen soñ soñki balası doğdı. Siyasiy mabüsniñ saqatlı qızı bar, onıñ doğuvdan san çıkığı bar.
2017 senesi ekim ayınıñ 11-inde Bağçasarayda FSB işçileri altı qırımtatar adamını tuttılar: Server Zekiryayev, Tımur İbrahimov, Marlen (Süleyman) Asanov, Memet Belâl, Seyran Saliyev ve Ernes Ametov.
2018 senesi mayıs ayınıñ 21-inde bu cinaiy dava çerççivesinde Edem Smayilov ve Server Mustafayev tevqif etildi. Er kes Rusiyede terrorcı bir teşkilât olaraq tanınğan, amma dünyanıñ ülkeleriniñ çoqusında ve Ukrainada serbest şekilde faal etken Hizb ut-Tahrir islâm siyasiy fırqasınıñ faaliyetine ait olmaqta şübelendi.
2020 senesi berim ayınıñ 16-sında Rostov-na-Donudaki Cenübiy bölge arbiy makemesinde "Hizb ut-Tahrir davası"nıñ ekinci Bağçasaray gruppasını üküm ettiler. Qırımtatarlarnı 13-19 senege maküm ettiler.
2019 senesi oraq ayınıñ 18-inde Avropa parlamenti bir rezolütsiya çıqardı. Anda Rusiyeni bütün ukrain siyasiy mabüslerini, ve ekinci Bağçasaray gruppasınıñ iştirakçilerini azat etmege çağırdı.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
