Ukrayina Mudafaa nazirliginiñ Baş istihbarat idaresiniñ mahsus hadimleri bildirdiler ki, vaqtınca işğal etilgen Qırımda Rusiye ava mudafaası sistemasınıñ eki elementi yoq etildi. Ücümler Ukrayina cenk istihbaratı künü arfesinde yapıldı.
Ukrayina Mudafaa nazirliginiñ Bİİ bunı bildirdi.
Bİİniñ malümatına köre, Faal areketler departamentiniñ uçucısız sistemalarnı idare etüv bölükleri 48Я6-К1 "Podlöt" radiolokatsiya stantsiyasını ve 55J6М "Nebo-M" kompleksinden RLM-M modulini urdı.
İdare añlattı ki, "Nebo-M" moduli areket etkende, Rusiye arbiy hızmetçileri arbiy nevbetten ketkende zarar kördi.
"Uçucısız sistemalarnı idare etüv ekipajınıñ ustaları Qırımdaki Rusiye işğalcileriniñ eki qıymetli AMS sistemasınıñ obyektlerine ücüm ettiler", — dep Bİİniñ haberinde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
