Saat 14:00-te Qırım köprü ögündeki nevbette 1020 maşna tura. Rusiyeniñ Taman tarafında 310 maşna bekley. Keriç tarafında 710 maşna tura.
Köpürde olğan vaziyet aqqında operativ malümat Telegram kanalı bunı bildirdi.
"Taman tarafından 310 naqliyat vastası baqılmaq içün nevbette tura. Bekleme müddeti bir saatke yaqın. Keriç tarafından 710 naqliyat vastası baqılmaq içün nevbette tura. Beklev müddeti eki saatten çoq", — dep haberde qayd etildi.
Hatırlatamız ki, işğalli Qırım yolbaşçısı Aksönov ilk küz ayınıñ 1-nde Telegramda bildirdi ki, "turistler"niñ çoqusı — 61%-i — işğal etilgen yarımadağa öz maşnasınen kele. Daa 23%-i demiryolnı seçeler, 2025 senesi yazda ise "turistler"niñ 16%-i Ukrayinanıñ işğal etilgen topraqlarından işğal etilgen Qırımğa keldi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
