Qırım Devlet şurasınıñ işğalli mebusına üç madde boyunca şübhe bildirildi Onıñ areketleri işbirlik faaliyetiUkrayina CQniñ 111-1-nci maddesiniñ 5-nci ve 6-ncı qısımları, istilâcı devletke yardımUkrayina CQniñ 111-2-nci maddesiniñ 1-nci qısmı ve silâlı istilâ aqlamasıUkrayina CQniñ 436-2-nci maddesiniñ 3-nci qısmı olaraq tanıldı. Qadın 12 yılğa qadar apis cezasını ala bile.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeheri prokurorlığı bu aqqında haber etti.
"Tahqiqatnıñ malümatına köre, 2022 senesi orta küz ayında Ukrayina vatandaşı Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte — terciman), "Krım24" ve "Millet" teşviqat kanalları içün bir sıra haber yayınlarınıñ yazılmasında iştirak etti, anda istilâcı devletniñ areketlerine ve qararlarına qol tutqanını bildirdi, em de Rusiye Federatsiyasınıñ Ukrayinağa qarşı silâlı tecavuzını aqladı", — dep haberde qayd etildi.
Hususan, o, Herson ve Zaporijjâ sakinleriniñ Rusiye vatandaşları olmaq istekleri aqqında ayttı, Ukrayinanı Donbasnı yoq etüvde qabaatladı ve Rusiye siyasiy reberliginiñ areketlerini alğışladı, dep prokurorlıq yazdı.
"Şübheli Qırım mektep talebelerine "obyektiv noqta i-nazarnı" ve aslında duşman teşviqatını bildirmek içün yarımada mekteplerinde "SVO" dersliklerini keçirmege teklif etti. Bundan soñ, 2024 senesi ilk yaz-oraq aylarında o, "Yedinaya Rossiya" firqasından III. çağıruv Qırım Cumhuriyetiniñ Devlet Şurasına qanunsız saylavlarda iştirak etti, neticelerge köre, bugünge qadar olğan deputat mandatını aldı", — dep QMC prokurorlığı haber etti.
Mahkeme-lingvistik ekspertiza şübheli qadınnıñ ifadelerinde Rusiye Federatsiyasınıñ Ukrayinağa qarşı silâlı tecavuzını aqlağan, em de tecavuzcı devletniñ areketleri ve qararlarını desteklegen alâmetler bar olğanını tasdıqladı.
Ukrayina Anayasasınıñ 62-nci maddesine binaen, şahıs cinayet işlegeninde qabaatsız sayıla ve qabaatı qanuniy şekilde isbatlanıp, mahkeme qararınen belgilengenine qadar, cinaiy cezağa oğratılmay, dep prokurorlıq hatırlattı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
