İşğal etilgen Aluştada merkeziy yalıda deñiz iskelesi yıqıldı, ondan dört balıqçı evakuatsiya etildi. Umumen, 20 metrge yaqın iskelesi yıqıldı. Yaralanğanlar yoq, vaqia yerine keçit qapalı edi.
Bu aqta işğalci Qırım Fevqulâde vaziyetler nazirligi bildirdi.
Rusiyeniñ idaresi astındaki Aluşta memuriyetiniñ başı Ğalına Ogneva yıqıluv furtunadan soñ olğanını bildirdi. Onıñ aytqanına köre, iskele Yalta deñiz limanlarına aittir, onı tiklemek programması ise "alâ daa işlep çıqıla".
Hatırlatamız, 2021 senesi Yalta civarındaki Nikita qasabasında daa bir iskele yıqılğanı aqqında haber berildi.
Telegram, WhatsApp, Facebook ve YouTube-ta Suspilne Qırım haberlerine abune oluñız
