Keriç tarafından Qırım köprü ögündeki nevbet 1300 maşnanı teşkil etti, teşkerilmek içün beklev vaqtı üç saattan ziyade oldı. Taman tarafında keçiş noqtası ögünde nevbet yoq.
Köpürdeki vaziyet aqqında haber etken Telegram kanalında bu aqqında aytıla.
"Taman tarafından el teşkerüvi noqtasında nevbet yoq. Keriç tarafından elnen baqılmaq içün nevbette 1306 naqliyat vastası tura. Beklev müddeti üç saattan ziyade ola", — dep haberde qayd etildi.
Saat 17:00-de olğan malümatqa köre, tıqanıqlıqta 1398 maşna bar edi, amma bir saat içinde nevbet azlaştı.
Hatırlatamız ki, yerli işğalli kütleviy haber vastaları yazdı ki, yarımadanıñ qara yollarında Qırım köpründeki vaziyet aqqında malümat levhaları peyda oldı. Anda şimdi Qırım köpründe yol tıqanıqlığı aqqında malümat bar ve aydavcılarnı alternativ yolnı qullanmağa çağıra.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
