Rusiye tarafından işğal etilgen Qırımda benzinnen vaziyet fenalaşıp tura, fiyatları köterile, Qırım yarımadasında benzin qıtlığı bar.
Simferopoldan (AqmescittenRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) #LiberateCrimea faalcisi anonimlik şartınen bunı bildirdi.
Qırımdan faalciniñ malümatına köre, benzin stantsiyalarında aydavcılarda eñ populâr olğan A95 benzini yoq oldı.
"Bu marka benzini benzin stantsiyalarında yoq. Bu evel de olğan edi, amma qısqa müddetke. Endi bir qaç künden berli. İnsanlar benzin almaq içün "ultra" markasını yüksek fiyatqa almağa mecburlar. Çoqusı insanlar arabalarını qullanmayıp, iş künleri arabalar bütün azbarlarnı qaplap alalar, evelden ise çoqusı işke öz arabasınen ketken edi. Şeer yolları yolcularnen tolu", — dep faalci tarif etti.
Faalciniñ qayd etkenine köre, Qırımda benzin yoq olğanı içün bazı benzin stantsiyaları qapatıldı.
"İşğalli Qırım akimiyeti ayttı ki, yüksek logistika masrafları ve banklarnıñ yüksek kredit faizi sebebinden yaqarlıq fiyatları arta. Amma belli olğanı kibi, Belorusiyada Rusiye benzininiñ fiyatı Qırımda olğanından daa ucuz. Beloruslar Kreml içün Qırım sakinlerinden daa müim olalar, kerçekten de, Rusiye içün Qırım sakinleri — işğal etilgen topraqlarnıñ aborigenleridir. Rusiye turistleri Qırımda burunlarını qaqıp, Qırım sakinlerinen ğalebe qazanğan vasallar kibi laf eteler", — dep faalci tarif etti.
Faalciniñ fikirince, işğalli akimiyet Qırımdaki yaqarlıq monopoliyasından faydalana.
"Olarğa raqiplik kerekmey. İşte bu sebepten Qırımğa Lukoil, Rosneft ve Gazprom kibi ağ benzin stantsiyalarını yibermeyler. Çünki reqabet olacaq ve Aksönovnen bağlı yerli yaqarlıq şirketleri, yaqarlıqnen spekulâtsiya yapıp cebini toldurıp olamazlar", — dep faalci qayd etti.
Faalci, yerli yaqarlıq sanayısı Aksönovnıñ nezaretindeki qurulışlar tarafından reyder usulınen zapt etilgenini iddia ete.
"Qırımda yaqarlıq saasınıñ barbarlıq hususiyleştirilüvi, bu bazarnıñ diger iştirakçilerine zarar ketirmek içün eki monopoliyağa (ATAN, TES) berildi. Keriç neft bazası bir sebepten saqlanıp qaldı, Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde — terciman) ise tüşüngenini yapmayıp satıldı. Böyle areketlernen Aksönov Qırımnı, yerli monopoliyacılarğa nezaret etilmegen para qazanmaq imkânını berip, fors-major vaziyetleri içün yaqarlıq yedeklerini coydı. Rusiye Antimonopol eyyeti — iç bir şeyge tesir etmeycek bir impotenent qurulışı. Qırımdaki yaqarlıq vaziyetine kelgende bunı kördik", — dep faalci tarif etti.
Onıñ qayd etkenine köre, Rusiyeniñ yaqarlıq astyapısına qarşı yapılğan USQniñ ücümleri semereli oldı — bütün Rusiyede yaqarlıq fiyatları köterilip, Rusiye cemiyetinde Kreml tarafından açılğan cenkten Ukrayinağa qarşı narazılıq artmaqta.
Hatırlatamız ki, evel işğal etilgen Energetika nazirligi, benzinnen teminlevniñ toqtatılması "ava şaraitinde Keriç boğazından parom keçitiniñ iş cedveli" ile bağlı olğanını bildirdi.
"Sarı şerit" cemaat areketiniñ bildirgenine köre, bu soñki vaqıtları Rusiyede neft bazalarına yapılğan ücümlernen bağlı.
Qırımda Aİ-95 benzini yo oldı. İşğalciler bunı "ava şaraiti" ile añlatalar, faalciler ise — Rusiye neft bazalarına ücüm etken dronlarnen.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
