Qırımda işğalciler "migratsiya qanunlarınıñ teşkerüvi" adı altında "filtratsiya tedbirleri"ni keçireler.
Milliy muqavemet merkezi bunı bildirdi.
"Quvetçiler "işançlı olmağanlar"nı qıdırıp, yataqhanelerni, bağçalarnı ve mesken yerlerni tinteler. Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) gaulayteri, tek bir rayonda 730 obyektni tinttiler, dep bildirdi. Bu telükesizlik aqqında degil. Bu — qorquzuv, terror ve işğalge razı olmağanlarnı köstermek ıntıluvıdır", — dep MMM yazdı.
Hatırlatamız ki, işğal etilgen Qırımda Rusiye akimiyeti gençlerni Ukrayina tarafdarı olğanları içün ve barışıq aktsiyalarında iştirak etkenleri içün taqip ete. Qırımtatar resurs merkeziniñ (QRM) malümatına köre, 55 genç repressiyalarnıñ qurbanı oldı: 19-ı SİZOda, daa 36-sı — Rusiye Federatsiyasınıñ müstemlekelerinde buluna.
Bundan evel QRM, Birleşken Milletler Teşkilâtınıñ ırqçılıqnıñ zemaneviy şekilleri meselelerinden mahsus maruzacısına "Irqçılıq, diskriminatsiya ve silâlı zıddiyet Qırım işğali kontekstinde" adlı maruzanı berdi. Bu, Birleşken Milletler Teşkilâtınıñ Baş Assambleyasınıñ 80-nci sessiyasında çıqarılğan maruzada qayd etile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
