"Ateş" arbiy-partizan areketiniñ agentleri Sevastopolde (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı Rusiye Federatsiyasınıñ esas arbiy obyektleriniñ qorçalanuvını arttırğanlarını tapqanları aqqında haber ettiler. Kruğla ve Grafska limanlarında ukrain istihbaratnıñ nişanına çevirilgen işğalcilerniñ, tehnika ve cenk silâları anbarlarınıñ mobil gruppaları qayd etildi.
Bu aqta areket iştirakçileri Telegram-da bildirdiler.
Kruğla limanı rayonında patrul yapqan ve ukrain deñiz dronları ve pilotsız uçaqlarnıñ ücümlerini çetke çekmek içün nevbetçilik yapqan büyük kalibrli pulemötlı işğalcilerniñ mobil gruppaları qayd etildi.
"Havfsızlıq tedbirleriniñ arttırılması, "vertolet" dep adlandırılğan - arbiy logistikanıñ esas bağına çevirilgen "Aviakomplekt" FDUİ bölüginiñ yüksek zararlılığınen bağlıdır. Mında cenk çıqışları yonelişini tayin eteler, ekipajlarğa hızmet kösterile ve ücüm vertolötlarınıñ azırlanuvı keçirile", – qayd ettiler "Ateş"-te.
Areket agentleri qoştılar ki, Grafska köyü, arbiy tehnikanı bazalaştırmaq ve tamir etmek, cenk silaları ve yaqıtı saqlamaq, em de kadrlar ve tehnikanı köçürmek içün liman olaraq qullanıla.
Telegram, WhatsApp, Facebook ve YouTube-ta Suspilne Qırım haberlerine abune oluñız
