Arman ayınıñ 12-nde işğal etilgen Qırımnıñ Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında topraq qurğaqlığı sebebinden belediye şeklinde fevqulâde vaziyetiniñ telükesi rejimi ilân etildi.
Bu rayonnıñ işğalli "memuriyeti"niñ yolbaşçısı Vladislav Haciyev öz Telegram kanalında bunı bildirdi.
"Fevqulâde vaziyet zonası belgilendi — Qırım Cumhuriyetiniñ Saq rayonı sıñırlarındaki topraq. Fevqulâde vaziyet telükesi yoq etilmesi yolbaşçısı vazifesine KPS ve OQBnıñ yolbaşçısı tayin etildi. Saq rayonı toprağında fevqulâde vaziyet telükesi yoq etilmesi boyunca idarelerara operativ ştabnıñ terkibi tasdıqlandı", — dep qayd etti o.
Hatırlatamız ki, işğal etilgen Qırımda yaz ortasında suv qıtlığı qayd etile. Cenübiy yalı boyundaki köylerde, hususan Bağçasaray rayonınıñ Male Sadove köyünde, sakinler bir aydır suvsız yaşaylar. 40 derece sıcaqta insanlar yağmur suvunı toplaylar, yuvunmaq ve yuvmaq meseleleri bar, ve terekler qurup qala, dep "Qırım.Aqiqat" haber etti.
Bundan da ğayrı, işğal etilgen yarımadada sıcaq sebebinden yapma gölleri tezden quruy. Arman ayınıñ 1-ne qadar 100 million kubometrden az qaldı — bu, keçken seneden 60 millionğa az. Eñ büyük eksilüv — Sevastopolnı (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnı) temin etken Çornoriçenske suv anbarında qayd etildi.
İşğalli akimiyet, 2018 senesinden soñ qazılğan yerastı çeşmeler sayesinde Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) ihtiyaclarını qısmen qapatqanını bildirdi. Amma suv qıtlığı meselesi devam ete — onıñ miqdarı ay sayın eksilmekte.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
